ტრენინგის მეოთხე დღე

დღეს ბევრი საინტერესო და პრაქტიკულად გამოსაყენებელ ინსრუმენტს დავეუფლე. ერთობლივად მუშაობა ანუ კოლაბორაცია, ვფიქრობ, ყველაზე მეტად გამომადგება მოსწავლეებთან დისტანციური მუშაობისას, რაც პროექტის დროს გარდაუვალია.  ამ ინსტრუმენტის საშუალებით ვუპასუხებ სპონტანურად წარმოშობილ კითხვებს, დავწერ კომენტარს და სხვა. მომწონს იმიტომ, რომ დროის მოგების საშუალებას გვაძლევს. ასევე კარგად შეიძლება დისტანციური ტესტირებისთვის გამოვიყენო Form, რომელიც  დისკზე მაქვს. მასში შევქმნი ტესტებს და გავუგზავნი მოსწავლეებს. ამავე ინსტრუმენტიდან შემიძლია ავტვირთო ჩემი პროექტისთვის საჭირო მასალები, გავუგზავნო ან გავუზიარო მოსწავლეებს, კოლეგებს. ინტეგრირებულ პროექტზე მუშაობისას ეს ყველაფერი კარგად დამეხმარება.

ტრენინგის მესამე დღე

დღესაც ვაგრძელებ პროექტზე მუშაობას. პროექტის ეს შაბლონი უფრო ბევრ კომპონენტს შეიცავს, უფრო დახვეწილია, მაგრამ უფრო რთულიცაა.
სხვადასხვა ინსტრუმენტის გამოყენება აადვილებს ბლოგზე და ასევე, ზოგადად, ინტერნეტში მუშაობას, მაგალითად, DRIVE-ზე შემიძლია შევქმნა ფაილები, შევინახო ინფორმაცია და ნებისმიერ დროს გადავიტანო ბლოგზე, გავაზიარო და ასე შემდეგ :)

პროექტის პორტფოლიო

პორტფოლიოს სანახავად გადადით ბმულზე

რატომ - იარებოდა დედაი?

  













 პროექტის სრული სახელწოდებაა "რატომ - იარებოდა დედაი, ანუ ბალადის "ლექსი ვეფხვისა და მოყმისა" ენობრივი თავისებურება". ეს პროექტგაკვეთილი წელს განვახორციელე მერვეკლასელებთან.

"ბაში-აჩუკი" (2013 წ)

   ეს შარშანდელი "ბაში-აჩუკი". ბაში-აჩუკის როლში - თემურ მოსიაშვილი.
სცენარი და რეკვიზიტები შექმნეს მოსწავლეებმა.

ჩემი პირველი პროექტგაკვეთილი

 

      ეს არის ჩემი პირველი პროექტი "რატომ აღონიშნება დედაენის დღე?". ჩემი მოსწავლეები ამ დროს მეხუთე კლასში იყვნენ, მაგრამ საოცრად კარგად გაართვეს თავი პროექტზე მუშაობას. :)  

ტრენინგის მეორე დღე

      დღეს კიდევ პრაქტიკულად გამოსაყენებელი რაღაცები ვისწავლე. ტრენერმა თავის ბლოგს დაამატა ბლოგი რეფლექსიისთვის. ეს მეც აუცილებლად უნდა გავაკეთო ჩემს ბლოგში. ჩემი აზრით, მასწავლებელს ყველაზე მეტად უკუკავშირი სჭირდება და ყველაზე მეტადაც ეს გვაკლია! რეფლექსიისთვის განკუთვნილ ბლოგში მოსწავლეები დაწერენ, კონკრეტული აქტივობა რთული იყო თუ ადვილი, რა გაუჭირდათ და რატომ და ა. შ. ზოგიერთი რაღაც, რაც დღეს ვისწავლეთ, კი ვიცოდი, მაგრამ ახლა უფრო მარტივი და სწრაფი ხერხით  გავაკეთე. ჩემთვის ძალიან მნიშვნელოვანია, ნაკლები დრო მოვანდომო ტექნიკურ მხარეს, მე ხომ სულ დროის დეფიციტი მაქვს! მოკლედ, დღესაც კმაყოფილი ვარ: ბუკლეტების დამზადება, სურათებისა და ვიდეოების ატვირთვა უკვე კარგად ვიცი! თავსაც რომ ვიქებ :))))))